注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

『爱丽丝找到天使了...』

——我的宝贝是天使...love u...

 
 
 

日志

 
 

每日放工搭车之时  

2008-08-24 01:43:14|  分类: 宅女的简单生活 |  标签: |举报 |字号 订阅

  下载LOFTER 我的照片书  |

从上个星期开始,我就开始咗我嘅兼职工了,由于只系临时促销所以整整一个月系冇假放噶,日日都要翻工放工,而且今次仲要分开早班同晚班。当然冇乜可能话一个人上晒早班,另一个人上晒夜班,而呢排我都系上夜班,但如果有得拣我都系会想上早班,起码番到屋企会多D 时间休息,而且落夜班系10点先有得走,一个人走,见到条街都冇乜人,D 铺头都关晒门,连平时多人到要行出马路嘅人民路都冇乜人,感觉好冷清好落寞,庆幸而家都仲算系夏天,咁嘅情景令我谂起baby,可惜佢唔响广州......

通常上夜班搭车番屋企都可以好好彩咁搵到D 单人位坐,想眠一眠但系又训唔着,望住车外面不断飞驰嘅风景,令我觉得自己突然之间有好多感慨,回想往事......其实真正有回忆嘅应该系从初中开始,初中生活一直都好美好,高中生活高一时候好努力奋斗,认真学习,高二开始唔知自己做乜,到咗高三简直就系我一生最失败嘅时光,我认为果时嘅我系撞邪,到咗大学有时候觉得好攰,因为要不断咁push自己去拼搏,压力好大。so 到咗而家我都觉得自己好似一事无成,不过我依然会积极面对自己嘅人生,继续push自己去前进咯~~~

有时候谂谂下又会无端端谂番自己嘅感情生活,当然啦而家目前最重要嘅当然系baby,一个我会觉得好放心自己俾佢照顾,一个我会觉得会everytime 都支持我去完成我想做嘅嘢,一个令我会觉得自己系被需要嘅人,当然baby会有缺点,但你系唯一一个我会好乐意去接收你所有缺点(虽然有时我会发牢骚投诉你),甚至唔介意我将好多好多缺点展露响你面前,但你会一直觉得我好可爱,包容我呢D 恶行,倾尽你嘅所有黎尽可能满足我不断膨胀嘅欲望,baby系令我好放心嘅一个人。当然我而家唔可以讲同我过人世嘅就系baby,只可以讲同baby一齐差唔多两年嘅时间令我觉得目前佢系我响岩嘅时间遇见岩嘅人,然而将来就唔咁讲了,毕竟结咗婚都有可能离婚。

然后再突然之间发现,最开始嘅某君同baby之间,曾经响呢段时间担当过我男朋友嘅人到咗而家我竟然感觉好陌生或好厌恶,令我觉得其实呢两个人嘅出现都不过系过客,曾经以为好钟意,但而家竟然冇深刻嘅印象,原来简单D 黎讲佢哋都系代替品,都系某君嘅代替品,因为接受唔到现实,因为心有不甘。庆幸baby出现咗,终于走出阴影,唔再出现孽缘,走番一条正常嘅道路。(P.S 知道某君系边个嘅人唔好讲佢个名出黎,麻烦晒)

继而谂到友情,感觉上自己系一个好被动嘅人,从来唔太钟意主动约人出街,有时间都会选择留响屋企,真系一个宅女。我一直都认为朋友唔需要多,有知心嘅就够了,所以响我嘅定义入面好朋友除开初中果五个好姐妹之外,就只有小学嘅caren、沈茜、高中嘅曾霞同大学嘅小尹同kidman了,原来我嘅朋友圈都几窄下,但我依然好少联络佢哋,有时真系会问自己系咪一个冷漠嘅人,so 希望呢D 朋友唔会觉得我系一个冷漠嘅人,其实有时我只系习惯咗一个人,习惯将心底嘅事收埋,宁愿同你哋去交流开心又funny嘅嘢!!

真系呢排搭车真系谂到好多嘢,今晚一次将呢D 嘢呕晒出黎,希望可以平复下心情,而且都够钟去训觉了,听日继续上夜班啊!!晚安!!

  评论这张
 
阅读(71)| 评论(6)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018